АСЫЛМҰРАТ АХАНОВ
1957-2005
Өнерге жарты кеш шындық, болғансу жүрмейді. Өнер тәуекелі жеткендердің ғана тұғыры, ол батылы барларға ғана құшағын ашады. Сиректер ғана өнерімен өмір сүріп, ғұмырын соған қияды. Туған топырағында өнбеген өзге топырақта гүлдей ме десеңізші, шіркін қасиетті топырақ?! Ақтоғай топырағы! Балалық шағына жазы жомарт, күзі күйлі Бірлестіктен бастау алған Бүкілодақтық, республикалық, облыстық байқаулардың бірнеше дүркін жүлдегері Асылмұрат Аханов пенде болып келген, дүниеден пір болып өткен, жаратқанның айрықша мейірімі түсіп, қабылет дарытқан жанның ғана бойына бітетін сирек қасиеті бар екенін дәлелдеп кетті.
«Асылмұраттың бәз біреулер сияқты Алматыға барып, жоғалып кетпей, ауылына келіп, әншілік өнерін жалғастырып; халқына қызымет жасап жүргеніне қуанамын» - деген екен Қазақстан Республикасына еңбегі сіңген әртіс Ғ.Мұхамедин.
